Soo, no
s’letschte Mol bevor min Kurs morn tatsächlich losgot!
Zwor sind
erscht 3 Täg sit mim letschte Post vergange, s’fühlt sich aber a wiene halbi
Ewigkeit.
Nöd nur
dases en huufe z’verzelle gäbt. Ich han au scho wieder e Zitreis hinder mer.
Söll heisse ich bin ezt ide Zitzone vo Denver CO also 8h hineno.
Abgschlosse
hani mini Zit in Canada mit eme wunder-wunderschöne Kayaktrip in Uclulet. De
isch unglaublich gsi! Begleitet vo 6 Schwarzbäre, Seehünd, springende Lachse (die springet übrigens zum d'Eier wos i sich ine hend und a eim Chlumpe sind "i einzelni ordne" dases nocher chönd am Grund vom Fluss legge),
Adler, grossi und chlini Jellyfish un bis zu metergrosse Starfish – wow!!
Und das
alles bi Sunneschii und perfekte Temperature – eifacht nur unglaublich schön!
3 Stund
isches denn wieder zrugg zum Martin gange, wo mich es Fondue mit es paar vo
sine Kollege erwartet hend. Noch witere 3h Schlof bini am 2am richtig Victoria
an Flughafe gfahre. Sonen Luxus eifacht s’Auto dete chönne stohlo und de Flüger
uf San Francisco nä hey.
Noch dere
ganze lange Vorbereitigszit woni a soovil han müse tenke und tenkt han (!!!)
isches eifacht nur schön ezte so innere Rueh chöne reise. Und merke das alles
wonich arrangiert han au wörklich bereit stot!
Bin am 8pm
denn in Riverton WY acho und han mer dete met 2 andere NOLS Studente es Taxi
Richtig Lander gno und dete is Noble Hotel icheckt.
Z’Nacht hets
ufgrund fehlende Restaurant um die Zit kei gä.
Wohne tümer
i 4- Bett- Schläg, womer worschindlich all üses Equipment chönd lo währet dem
mer weg sind. Sind zimlichi Quietschbetter und i fürche echli wes wert wennmer
denn wörklich z’4te sind (die Nacht bini ezt no elei gsi).
Höt hani de
Tag met noschlofe und restliche chline Sache ichaufe verbrocht. Und langsam
aber sicher tröpflet die Studente ii.
S’isch för
mich sehr astrengend zum de schnelle Konversatione folge und bin sehr gspannt
we schnell sich das denn för mi entspannt. Bin sehr froh wenner för mi betet
dasis guet pack met de Sproch.
Already
learned that..
-
de MC Food eim do sehr vil gsünder und frischer
erschient ;-)
-
wennt Polizei eim am Morge am 3 ahaltet, mer
mues im Auto sitze bliebe und nöd törf usstiege bis mit de Taschelampe as Auto
chömet – sös chömets Angst öber...
-
min Fahruswies ebe doch NÖD international isch
-
dasmer do bis zo 20% Trinkgeld git
-
harmloses Fondueesse chan i Diskussione öbert
Weltpopulation und wie mer die chönnt schölere usarte ;-)
-
mer Bewahrig chan erlebe uf de Strosse vo Canada
wennmer churz forem ischlofe isch
-
es durchus möglich isch, e Schär im Handgepäck
z’transportiere – wennt Beamte nur wüsset we gross sie isch..
Das isch mol
momentan gad s’Neuscht vom Neuschte! Am 6i treffemer üs zunere Information met
allne Studente und Instructors. S’gseht ezt so us we wennmer i 3 Gruppe iteilt
sind und eso üsen Kurs machet – es bleibt spannend.
Hebet Sorg
und bis gli
Keine Kommentare:
Kommentar veröffentlichen