Go West!!

Melde mich churz us uesere veruebergehende Underkunft do in Wyoming. 

Mer send ufere wunderschoene WildWestFarm in the middle of nowhere acho. Wunder-wunderschoen! 

Mer campet nebet de Ranch und hend uesi Wilderness First Responder Lektione (Outdoor 1. Hilfe) inere Art Schuelzimmer.

Am 7am isch Zmorgeesse, denn Schuel vom 8 - 12.30, denn Mittagessen. Am 13.30 gots wieder wiiter bisam 5i. Denn sind anderthalb h Freizit, denn isch Znacht und nochem Znacht gots wieder wiiter foer nomoll gueti anderthalb Stund.

S`isch also recht es straffs Programm.

Mer wohnet i Zelt, noed wit weg vode Ranch. Immer z`zweite i eim. Nebetdra fluesst en Fluss, woni hoet oebergluecklich es laangs Bad gno han zwoeschet Schuel und Znacht. Eigentlich hani tenkt i goeng emel am Morge go schwimme. Aber am Morge isches soo sch***chalt. Han met 2 Faserpelz undere Jagge no gfrore hoet morge.

Was mer de ganz Tag lernet isch seeehr interessant und useful! Allerdings hani hoet scho echt e Krise gha und mich gfroeget oebich das echt wuerklich schaffe met 3 Moenet lang all Pruefige (joo richtig: Pruefige!!), alli Konversatione und vorallem die ganze Fachbegriff und Spezialusdrueck, sowie e Praesentation oeber en Fachbereich in English z'meistere. Scho s'benenne vo Koerperteil we Niere, Tuume oder Wirbelsuele isch echt schwierig. Und wenn mer denn oeber Usscheidig oder verschiedeni Arte vo Verletzige und wie sie passiert sind muend rede chumi echt is schwadere und macht mer teilwies au echt Mueh. I dene Moment bini echt froh um netti Luet (die meiste choemet mini Chraempf allerdings noed mitoeber), und dasmer sone wunderschoeni Umgebig hend. Das tut de Seel soo guet, wenn sie woett verzwiefle.

Leider ischsnmer noed moegli zum eu Foetteli schicke, weli nume de oeffentlich PC chan bruche und min Laptop het muese uf de Ranch blibe.

Mer blibet uf de Ranch foer witeri 4-5 Taeg und ziehnd denn foer 3 Wuche it Berge met Backpack und First Aid Koefferli. Uf de NOLS Base isch geschter all ueses Staff prueft worde und mer hend muese agae wasmer soescht no planet zum mitnae. Denn ischs entweder akzeptiert (wie mis Buech: ich bin bei dir) oder anglehnt worde (wie de Deo (!!!) - you don`t need one in the field).

Mer send do uf de Ranch mit einere andere Gruppe wp glichzitig met ues startet und aber denn en andere Weg machet.

Es paar Facts:

-       - im Moment 20 males, 4 females, 3 instructors, 2 cooks, maaaany horses

-       - unglaublich viel verschiedeni Farbe am Himmel Morge und Obig – aweful!!

-       - Wiiiti sowiet mer lueget!!

-       - Stilli oeberall – wie gseit zmitzt im nirgendwo

-       - Unglaublich guete Food! Han mer allerdings vorgno NOED go nooschoepfe :-)

-       - Kei Handyempfang…

-       - Kei Heiweh – allerdings immer wieder Gedanke a dihei und de Wunsch, wasich erlebe met oeppertem zteile _ drum au de Blog . I glaub I oer de au schribe wennen niemert woer lese ;-)

-       - Immer erfreut oeber Emails – und isch momentan de einzig Weg zum in Kontakt z’sii

Soo – ich gang ez is Bett – hoff er hend echli es Gfuehl defoer oebercho, was und wes eso lauft bi mer. - please keep on praying for me!

En liebschte Gruess a eu!