Vil Rückblick und e bitzli Usblick

Es paar Impressione vo üsere 21. tägige Backpacking Section bi Temperatur zwüschet 10 und -10°.

"wundervoll, usefordernd, iischalt, prägnant, luschtig, interessant, aspruchsvoll, gigantisch, wiit, bergig, farbig, streng, zum stuuune, unglaublich, lang und wiiss"

chönntet es paar Usdrück sii, wo die Erfahrig es Stückli wiit chöntet beschribe. Allerdings SEHR bruchstückhaft. In Fact isches no vilvilvil me gsi!

Pack fört Backpacking Section am Morge vom 20. September

Di 1. Nacht campe - bi vielversprechende Temperature

s'1. vo x Rivercrossings

Schlofsack tröchne am 1. Sunnetag noch ere Wuche

Ufstieg Mount Geiki

Mount Geiki bezwunge; Girlsteam
v.l. Lisa (Instructor), myself, Beth, Emma und Megan

Erschöpft - lang vorem hütige Tagesziel

Pizza!!

A eim vo viiele iisigchalte Mörge

Trinkwasser uffülle am See

Woohow!

Re-Ration per Horspack

Food ordne und denn it Chochgruppe verteile

Unglaublich was för Stimmige mer underwegs hend törfe erlebe!

Unglaublich was fören Künstler üse Schöpfer isch!

Unglaublich, ihm bim mole zueluege!!

Mittlerwile isch mini 1. Hilfeprüefig (me hend öber 80 Stund Schuel gha) verbi und met Bravour bestande, sodass ich mich ez met stolz törf 

Wilderness First Responder 

nenne! :-)

3 Täg sind vergange sit mer wieder im Noble Hotel (NOLS Underkunft) acho sind. Wa hemmer gmacht i dere Zit?

D'Backpacking Section reflektiert, üsi Instruktore bewertet, witeri Leadership-Lektione gha, met Vorstand und Leitig vo NOLS gret, vil g'esse (mer hend alli zw. 5 und 10 Kilo abgno i dene 3 Wuche), minimali Freizit gha, en gnussvolle Obig inere Bar mit Billard & Bier verbrocht, üsi Climbing Instruktore kenneglernt und höt Morge alles Material fört Climbing, Canyon und Wintersection packt!! 

Mini Non-freezing cold injury adä Oberschenkel het sich inzwüsche vo roter Schwellig zunere blau-schwarze entwicklet, mini ufgschabet Hüft bald abgheilt, mini Händ öberseit met Spüng und Schnitt (was uf de Sunnebrand zruggz'füere isch) und mini Zeche (und teils Finger) immerno taub, gschwolle und ohni Gfühl, aber sehr schmerzvoll, sodass mer höt chum möglich gsi isch, mini Chletterschue az'probiere. Mini Elefantefüess hend und hend e kei passendi Schueh wölle finde..

Anyway - morn gots am 7am los Richtig Utah. Und am Sunntig witer Richtig Nevada, womer usserhalt vo Vegas - ide Red Rocks - 2,5 Wuche werdet chlettere. Aschlüssend simmer för 26 Täg ide Canyons vo Utah (wo übrigens de Film "127 hours" trüllt worde isch) underwegs, was mich ezt scho SEHR ufgret sii lot!! Mues e unglaublichs enviroment sii!

So, das wers im Moment vo mer.

Chan leider nöd sege, wenn und wo ich als nögsts wieder werd acess ha zu Internet und/oder Phone. Freu mi aber uf jede Fall und so oder so öber Poscht, Mail, SMS, Facebooknochrichte oder Whatsapps.

Tanke förs a mi tenke und Ateil nä - bedütet mer sehr vil!

Hebet Sorg und bis glii!