Winter unds 1. Mol warm

Und gad no en nögste IItrag – welich ezt am Flughafe bin, facing a Blizzard und warte för min Flug wo Verspötig het :-)

Tue eu drum gern – weli eh gad i Winterstimmig bin :-) – no vo minere Wintersection verzelle.

 

Nochdem mer vode Canyons zruggcho sind, hemmer ufeme Campingplatz all üseri Chleider und finally au üs selber chönne wäsche, bevors wiiter gange isch uf Idaho it Teton Valley Branch. Dete hend mer – nöd Freiziit nei – Lawinetraining gha, zerscht theoretisch im Classroom und nocher denn spöter underwegs au praktisch.

Usserdem hemmer 4h Schischuel im Telemärkli gha und insgesamt 2 Täg Schifahre im Resort.

Sehr e astrengendi Ziit gsi, einersiits viil los, anderersiits isch eim im Chopf d’Zuekunft, d Ziit noch NOLS au scho chli nöcher cho und glichzitig hend mer alli versuecht met Family & Friends up catche. Usserdem simmer alli 3 Sections zeme dete gsi, also 36 Lüüt plus ungefär 15 Instructore..

Usserdem alles üses Züg verlese. S’ganz Material vode Canyons und em Climbing Camp zrugg uf Lander schicke, en Showerbag för noch de Wintersection parat mache und de Schlitte fört Section packe! – Ebe, sehr busy!

Denn isch losgange. Me send met em Bus 4h it Wyoming Range gfahre und send dete ame Trailhead usglade worde, zmitzt ime Blizzard – iisig chalt und unfründlich.

Sind denn de erscht Tag mitem Schlitte 2,5 Meile underwegs gsi und hend agfange lerne, wie genau dasmer sich selber, Schlitte und Backpack, wie au Ski und Stöck am Beschte packt zum möglich effizient chönne reise. Usserdem hend mer a sebem Obig s’erschte Mol üsen „Dacron“ agha - ä SEHR warmi Expeditionsjagge und –hose.

Funfacts oder au nöd:

§  -- me hend insgesamt nie eso warm gha we die Wintersection – zimlich sicher wel mer nu i dere Section appropriats Material/Chleider för de Schnee debi gha hend

§  -- mini täglich Aleggi

upper Body:                   Baselayer 1 & 2

·      Beacon (Lawinesuechgrät)

·      Windshirt

·      Pullover

·      Puffyjacket 1 & 2

·      Faserpelzpullover

·      Dacronjagge

         lower body:         long John 1 & 2

·      Skihose

·      Puffyhose

·      Dacronhose

         Heat:         Skimaske

·      Chappe

·      Kapu(t ?)ze 1,2,3,4 und 5

·      Entweder Skibrille oder Stirnlampe

         Feet:         Wullesöcke 1 & 2

·      Skischuehineschueh

·      Bootie 1 & 2

·      Overbootie        (wenn mer im Camp gsi send)

§ --  E Schneehötte womer useboret und nöd schichtet heisst „Diggloo“ :-)

§  -- Vo minere Wasserfläsche, Thermoschante, öber Skistöck bis zu Füechttüechli und Sunnecreme isch mer alles iigfrore :-)

-

-Sit em September schlofi zämä met mine Linse im Schlofsack – bis ezt sends mer erscht eimol iigfrore

-- Usserdem hani i dere Section au met mim Beacon und Camera, spöter met Sunnecreme, Füechttüechli, Wasserfläsche und Thermos gschlofe

--De Peanutbutter isch en Gheimtipp för alli Winter-dusse-Öbernachter – haltet warm und isch durchus geniessbar

§  -- Mini ständge Begleiter; Söcke uf de Schultere oder die Hose – s’Ziel: die entweder warm bhalte oder nochem schwitze tröchne

§  -- Di meist Zit vo dene 10 Tag isch för Schneeschmelze und choche druff gange, die Stoves sind i dere Chälti nöd soo schnell

Üsi Täg send agfüllt gsi met Lawinerettigsszenario, Skifahre, Snowpack uf Stabilität und Zämäsetzig undersueche. Usserdem hend mer am 3. Tag en Evac gha. De Jesse het müse out of the field metere riese blau-geele (nochdem er de Finger uftaut het) Frostbühle.

Söscht isch aber di letscht Section sehr smooth abgloffe und sehr enjoyable gsi. Jede Tag hend mer met eme Reading abgschloffe und isch sehr en schöne Abschluss vo dem ganze Semester gsi.

Die Täg währet dere Section hends mer schwer gmacht z’akzeptiere dass die Zit met all dene Lüüt bald verbi isch und mer üs nieme werdet i dere Form und Setting gse.

Me hend das immer wieder underenand thematisiert und send froh gsi isches allne me oder weniger glich gange. 2 Täg met allne ide Stadt denn wieder, vil Zit zum schwätze und eme uh schöne Abschluss als Gruppe het üs allne ghulfe met dem ok z’sii und üs langsam uf dihei istelle und freue.

Freu mi riiesig zum wiieder heicho und apacke what comes next!!

Zerscht gots för mich aber uf Edmonton zum Simon. Dete werdi ungefär 2 Wuche blibe (wooow) und mi denn Richtig Vancouver ufmache. Dete triffi d’Sandra und mer verbringet di letschte 2 Wuche zämä @ Vancouver Island – where i started :-)

Tanke eu allne för eues Ateil nä öber di ganze letschte 4 (!!!) Mönet!

So guet so e starchs Network ha und sovil Support gspüre – tanke!

Wünsch eu allne ganz e gsegneti Wiehnacht, met vil Rueh und ere guete Zit för was immer astot!

Liebsti Grüess vom winterliche Flughafe in Riverton :-)

PS: bin nonig so sicher wasi genau met dem Blog wird mache. Habe Gefallen gefunden am Schreiben und Mitteilen und tenk dasi da viellicht nochli wiiter wird mache – solangs Lüüt het wo sich deför interessieret ;-)

Part II: Canyonsection vom 4. Nov - 1. Dec in Canyonlands, Utah

Di letschte 3 Täg send sehr busy gsi!

Am 16. am Morge simmer vode Wintersection abgholt worde, hend s’Material vom Kurs verrumt, hend Uswertig gha, am 17. denn Material vom ganze Kurs verrume und zrugggä, Uswertig vom ganze Semester, Diplomfiir, Gruppeabschied und geschter sind all mini Kurskollege i all directions vode US heigreist.

Nume ich sitz no in Lander bime Kafi und eme Wrap (@ www.oldtowncoffee.net )und versueche mich druff iizstelle, dasi mus / törf / wird wieder abreise.

Und eu z’verzelle was eso gloffe isch ide letschte Zit isch e gueti Art zruggz’luege und z’stuune und realisiere was fören Sege und e Gschenks för mi isch, die ganz Erfahrig törfe gmacht z’ha, i wunderschöne Landschafte underwegs z’sii, me English z’lerne, cooli Lüt kennez’lerne und d’Liedeschaft fört Outdoors und d’Natur törfe metene teile – sowie au e sehr intensivi und positivi, inspirierendi Ziit!!

Also,

d’Canyonsection isch met 26 Täg di lengscht vo allne Sectione gsi. För das sind mer mit OESF 2 (eme Parallelsemester) zämä gmixt worde und denn i 3 Chligruppe vo 8-10 Persone ufteilt worde.

Send metem Schuelbus irgendwo it Wüesti usegfahre und denn dete zmetzt im Nüüt usglade worde. Do simmer gstande, ke Ahnig was üs erwartet.

Di erst Nacht den underem wahnsinnsklare Sternehimmel het üs vor Auge gfüert i was föreme Paradies mer glandet sind. Erlich – unbeschriblich die iidrücklich Umgebig die Canyons!

Wa hend mer gmacht die ganz Ziit dete?

-                me hend öbert Ökologie glernt und wie di verschiedene Ökosystem die Wüesti zeme funktionieret und enand bruchet

-                Ufzgi gmacht, wie Ökomap, Vögel, eren Gsang und eres Verhalte bestimme und analysiere, Pflanze erkenne und öber eri Adaption at Wüesti recherchiere, öbert Wichtigkeit vom Wasser die Canyons und wes Wasser d’Canyons gformt het, schribe und verzelle, es Buech lese und en Buechreport gä vor de Gruppe

-                Ganz vil gloffe simmer – rund 100 Meile met 50 pound Backpack und denn no 50 Meile met Daypack

-                Einige Slots dropped – heisst narrow Canyons erstiege ;-)

-                De Canyon erkundet wo de Aron Rolston (http://de.wikipedia.org/wiki/127_Hours ) 2003 festgsteckt isch und drufabe de Film 127 hours entstande isch

-                Wildi Donkey beobachtet

-                De Coyote die Dämmerig und ide Nacht zuegloset

-                Gaanz oft am Füür zueglueget

-                Es 60 stündigs Solo gmacht – för das hemmer üs en Platz usgsuecht wo üs gfallt und send dete för die ganz Zit elei gsi. Hend nöd wiiter als öppe 10 Meter um de Platz ume üs törfe entferne – e unglaublich gueti Ziit gsi för mii!!

min Solo-Spot

-                Great Gallery bsuecht (http://www.luminous-landscape.com/locations/the_great_gallery.shtml )

-                E Lektion vo 30min müse halte – mis Thema: Inclusion & Diversity – super gloffe!

-                Advisor – Advisey Check-ins gha – NOLS way of Coaching

-                Layover-day because of snow and slippery and weak sandstones

-                Schwierigi Gruppedynamike und useforderndi Gspröch

-                Einigi SEHR cooli Abseilstelle und Glegeheite

-                Lerne und Erwietere vo üsem Wüsse öber Ankerbildig und was mer för natürlichi Anker chan bilde

-                D’Useforderig vo dere laaange Section anä und ine positivi Erfahrig umwandle

-                Wiiter wiiter und wiiter go als mini Chräft wöret lange

-                Unzähligi Blotere ufsteche und verbinde

mini ufgripschet Hüft noch 3 Täg

-                Met crashte Chnü kempfe und nöd gwünne..

-                Dreckigs, ungnüssbars Wasser trinke und sich iirede es seg Tee.. 

-                26 iisigchalti Nächt erlebe und trotzdem warm ha

-                26 Täg die gliiche Chleider Tag und Nacht :-)

-                und usserdem 2 Re-Rations meistere

So da isch mol en churze Abriss von unglaubliche, strenge, usefordernde und lange Section!!

Mus ezt schnell mol go dasi de Flüger uf Edmonton verwütsche.

Bis bald – s’ isch schliessli no e ganzi Section nöd verzellt :-)

Übrigens..

... bitte ab ezte eke Poscht me zo NOLS schicke sondern wenn zom Simon hei oder a min Mailaccount :-)

Wünsch eu e wunderschöni, ruhigi Wienachtszit. Zit vode Vorfreud ufs gröschte Gschenk öberhaupt. 

Tünd abefahre und gnüsse - bis glii

... Info

Hey y'll!

I glaub nöd dasi dezue chume zom eu au vode Canyons echli verzelle. Uf jede Fall nöd bevors bi mer wieder losgot. 

Zit womer do uf de Teton Valley Branch verbringet isch SEHR busy. 

Nocheme Tag Schifahre und de erschte Telemark-Schischuelstunde (www.grandtarghee.com) hemmer ez gad üses ganze Material verlese und nede sin Schlitte packt. Mittlerwile isches tatsächli SEHR chalt sodass mer d'Wimpere zemegfrüret nume vom dusse sto. Da het mi verlasst, zuesätzlich zo mine 10 Päck Instant-Toe-Wärmer au no es paar Handwärmer z poste. Usserdem e Dose Peanutbutter för in Schlofsack. 

Wow-freumi riesig uf die 10tägig Expedition, han aber au Respekt devor und bin mer bewusst, dasi SEHR proaktiv mues si zom nöd met Frostbüle oder Schlimmerem zruggcho. Usserdem merki dasi dörs zerstörte Nervegweb vo minere Coldinjury vil schneller chalt han oder d Oberschenkel nüme recht gspüre. 

Anyway, morn hemmer nomoll Schischuel zom lerne Telemärkli im Tüfschnee und denn gots am Samschtig los richtig Wyoming Range Mountains för 10 Täg. 

Heisst am 16. Dezember fahremer zrugg uf Lander. Hend nocher dete Kursuswertig und Diplomfiir am 17. Dezember (dodezue sinder herzlich iiglade) und nocher verstübet all di 10 Lüt wo di letschte 3 Mönet mis engste Umfeld gsi isch wieder in alle Winde. Und da isch tatsächli so trurig wes tönt!! 

Het gern no me Zit metene und wör gern no me erlebe und zeme me Weg teile...

So das wers vo mer. Wünsch eu ganz ganze e schöni Adventsziit. Gnüsset di chline Moment vode Stilli, de Rueh, de Schönheit und Wunder. 

Bis gli - Lea

Part I : Climbing vom 18.Oct - 3. Nov ide Red Rocks, Nevada

Oooh men that was a looooong section

- i weiss es git do es paar ungeduldig Wartendi. 

Leider ischt Zit wos mer moeglich isch zum ame PC verbringe immer sehr short. Wel mer zwoeschet 2 Sections meistens di meist busiest time hend. Aber ez mol eis am andere..

Geschter Morge am 8.30h simmer vome geele Schuulbus picked up worde. I dene noed emol ganz 48h isch scho wieder soo vil passiert. Under anderem hani waehret e, Laundry mache inere oeffentliche Woescherei mis Portemonee mit mine IIchaeuf ligge lo. Bin soo happy gsi met dihei telifoniert z’ha dasis total vergesse han mitz’ne – oje! – Anyway, Gott isch treu und mis Portmonee underwegs uf Lander wos mich wieder wird treffe wenn de ganz Kurs Vergangeheit isch.. wohow!! Unglaublich we schnellt Zit vergot.

Vil isch gloffe sitem letschte mol und I glaub er hend gernie so richtig erfahre wies bim chletter gloffe isch.

 Siti mich nemlich s`letscht Mol blicke lo han simmer Richtig suedwest uf Las Vegas gfahre und het dete usserhalb vode Stadt ide Mojave Desert campet. Waehret 2 Wuche hend me ide Red Rocks g`chletteret, me oeber de Desert glernt, Tierbeobachtige gmacht, Multipitch doeregfuehert und anenand griebe – oou yeah!

Traumhafti Ussichte und
Wuestelandschafte waehret em
anelaufe a uesi Wall vom hoetige Tag

Spannend gsi noch dere intensive Zit vom schiere oeberlebe ide Winds zmol wieder es bitzli Individualismus choenne lebe. Das het denn au mol schnell in Egoismus usg`artet sodas sehr interessanti Situatione entstande sind.

Me hend I Zelt mit 3 – 5 Persone gwohnt und hend Basecampet, was actually seehr erholsam gsi isch uf e Art. Tagwach jede Tag am 7.00 (- sehr human) denn Equipment foer de Tag sortiere, packe und denn Abfahrt am 8.30h. Hend sogaer de Luxus gha en double Stove z`ha sodass uesi Chuechi a lot more efficient worde isch. Go poste simmer zweimol I dene zwei Wuche i uesne Choch- und Zeltgruppe. Foer da simmer uf Vegas gfahre hend dete Gelt oebercho und denn selber choenne iiteile was foer was bruche. Het sich allerdings als eini vode groeschte Useforderige (zumindest I minere Gruppe) usegstellt. Do hets zimlich verschiedeni Vorstellige ge, foer was mer d`majorite vo uesem Gelt soettet bruche.

Denn 1 – 2h bis zude Wand laufe, waeretem Tag denn simmer verschiedeni Route a verschiedene Waend gklettere – sind praktisch jede Tag ame andere Ort gsi – hend glernt met Koeperpositione schaffe, am Material vertraue, Rappelstatione (Abseile) ufbaue und effektiv au abseile. Um di 5i simmer denn langsam uf de Heiweg, heisst wieder 1 – 2h zrugglaufe. Denn ungefair e halb Stund fahre, Znacht mache, nocher Ufzgi (Oekologie, Desert Adaptations), und denn entweder no Diskussione am Fuuer oder Unterricht… - sehr intensive Zit gsi. Und glichzitig doch echli me Freiruum und Downtime.

Materialschlacht jede Morge

Building a natural rappelanchor
- eis vo mine Ziel

I Nacht hets so gwindet, dasmer alli im Zel ues ade Egge ghebet hend dases noed devo gwindet isch, het gheisse mer hend de noegst Tag noed choenne go chletter, wels so blose het. Sind denn uf Las Vegas iegfahre, dete ines Casino (!!!) – remember: Outdoor School ;-) – und hend de neust Sandra Bullock glueget (`Gravitiy` is not recomanded), soeter denn doch no oeppis gschieds gmacht – ine riese Outdoorgschaeft und dete ues echli verwiilet.

Usserdem hemer wie scho ide Winds en Advisor gha, heisst mer hend am Afang vom Kurs uesen Mentor usglese und hend Ziel foer die Section besproche. Denn hets die Check-in`s ge womer Feedback oebercho hend und am Schluss e Uswertig oeber uesi Performance waehret dere Section in Terms of Zielerreichig, aktivs Teilne, Peer- Leadership, Technical Skills, catche vo oekologische Zemehaeng, etc.. immer sehr spannend!!

Es paar Begriffserklaerige:

- Multipitch = gmeint isch, e langi Felswand chlettere, dass heisst wel di regulaeri Seil 60 oder 80 Meter sind und mer zum Biespil e Wand chletteret wo 500m isch chletteret mer immer wieder es Stuck. Heisst de 1. got voruns und placed Trad Gear und bildet so d`Route und am Schluss de Anchor (Ankerpunkt). Denn wert de 2. wo di ganz Wand cleant vo obe belayed (gsicheret) - make sense? Das ganze Procedere hemmer meistens z'dritte gmacht und hend defoer ganzi Taeg brucht - usserdem machts seehr vil Spass

Am Morge vo uesem Multipitch

- Trad Gear = heisst traditionelli Usrueschtig: mer redet do vo Friends, Camelots, TCU, anstatt Bolts ide Wand (also isevorrichtige womer chan en Karabiner und denn s'Seil iklipse). Da heisst de 1. suecht Cracks ide Wand und plaziert dete zum Bispiel en Friend, dete wert s'Seil denn iiklipst und soett en moegliche Fall ufange, isch also praktisch en Ankerpunkt ide Wand - brucht also ehner Weisheit, Erfahrig und kenne vo dere Art vo Rock (i uesem Fall Sandstei wo sehr liecht abbricht oder doer Fuechtigkeit schwaecher wert)

-cleaning = da macht i dem Fall di 2. Person. Sobald di 1. dobe acho isch und en Anker bildet het, chan di 2. Person Top Rope chletter, heisst s'Seil chunnt i dem Fall vo obe und noed vo une und die Person isch noed oeber en Friend (wie die 1. Person) sondern oeber de Anchor gsicheret. Cleaning meint de Vorgang vom usklipse vom Seil isem Friend und denn de Friend us de Crack usenae und as Gstaeltli henke und mitne.

Usserdem hets nebst de Skills au gaaanz vil anders ge zum lerne wie:

* metali Useforderige wie Aengst adae Wand oeberwinde

*am Material vertraue (en Fall woni erlebt han, isch oeber 5 Meter gsi und umen Egge ume, mehreri Hundert Meter oeber de Erde - da het mer ghulfe ;o)

*Gruppespannige und schwierigi Gsproech

*deale met Muedigkeit, Lustlosigkeit, em Wunsch noch echli me Privatheit und Rueh

*met verschiedene Instuctore und erer Art vode Vermittlig z'gang cho und en Weg finde ufe anderi Art z'lerne und Fun z'ha

Halloween

*zwoeschet Zivilisation und Outdoor balanciere und d'Vorteil vom jewilige choenne gnuesse (da fallt mer noch wie vor noed ganz eifach)

*de Gedanke at Zuekunft Rum ge, aber mich noed vo dem zermuerbe lo (chan mer so gernoed vorstelle wieder zruggcho und en greglete Job ha.. bin offe foer anderwitigi Idea ;-)

Glaub das isch so en churze Abriss vode Clkimbing Section.
Hoff, eu i dene Taeg au mol nochli vode Canyons choenne verzelle, woni ez gad zrugg cho bin. 
Chan allerdings no nuet garantiere. D'Wintersection ide Teton Valley Branch in Idaho het nemlich agfange. Do blibemer ezt bisam Samschtig. I dere Zit hemmer Lawinetraining und lernet Telemark fahre. Aschluessend gots foer di letschte 2 Wuche vo mim Semester (!!!) ab it Wyoming Range Mountains womer bi erwartete -30 Grad werdet ums Oeberlebe kempfe ;o) - nei tenkt isch zum eifacht Schneecamping mache. Heisst Iglu baue und Schiexpeditione mache. Met Fell adae Schi, Backpack am Rugge und Schlitte mit Material hinedra aghenkt - usserdem de Beacon: s'Lawinesuechgraet immer griffbereit ade Bruscht. - Freu mi riesig druff!!!

Wichtig isch mer z'sege we unglaublich das Gfuehl isch, vome monatige Trip us de Canyons zruggz'cho und e Mailbox voll met liebe Messages z'finde, s'Whatsapp oeberfuellt und soger "physischi Poscht oeberz'cho - WOW!!
Tanke, Tanke, Tanke eu allne foer das!! Unglaublich so vil Understuetzig z'erlebe!

Hebet eu Sorg und bis glii



PS: Foer alli wo sich Gedanke und Sorge um mini Zeche machet - sie hend no kei richtigs Survival erlebt. Die grosse Zeche hend immerno ke richtigs Gfuehl und d'Zit ide Canyons isch foers recovering au noed gad foederlich gsi - soell heisst minioeber 15 Blotere ade Fuess fanget ezt, adae konstante Waermi langsam a heile unds laufe macht wieder Spass.
Allerdings liedet mini Chnue a dem heavy Gwicht woni di letschte 4 Wuche und voher 3 Wuche trait han und loend mi echli consernt sie oeber we echts Schifahre got.